خشکی اور سکری بالوں کی خوبصورتی اور صحت کی دشمن
آپ کسی بھی خاتون سے ملیں وہ بالوں میں خشکی اور سکری ہونے کی شکایت ضرور کرے گی . خواتین كے بالوں میں خشکی درحقیقت اک پھپھوندی كے باعث جنم لیتی ہے جو طبی زبان میں پیتروسپوروم ووالی کہلاتی ہے . یہ پھپھوندی خواتین كے ہارمونز کا توازن خراب ہونے ، سر میں روگن ( چکنائی ) کی زیادتی اور خراب غذا كے باعث پیدا ہوتی ہے . یوں تو خشکی کی 17 سے زائد اقسام ہیں جن میں سے 2 قسم کی خشکی بہت عام پائی جاتی ہے .
1. خشک خشکی
2. چکنی خشکی
خشک خشکی
یہ خشکی اک پھپھوندی كے باعث جنم لیتی ہے جو طبی زبان میں پیتیروسپوروم ووالی کہلاتی ہے . یہ پھپھوندی سر کی جلد كے بیرونی تہہ پر اثر اندازِ ہوتی ہے اور پِھر جلد كے بیرونی خلیوں کو توڑ پھوڑ کر اسے اوپر ابھارتی ہے . یاد رہے کے بعض اوقات سفوف کی طرح بالوں پر گھری ہوئی خشکی پھپھوندی کی وجہ سے نہیں ہوتی بلکہ ذہنی پریشانی . شیمپو کرنے كے بعد بالوں کو اچھی طرح سے نا دھونے سے ، کیمیکل كے استعمال ، بالوں کو گندا رکھنے یا بہت کم کنگی کرنے سے بھی ہوتی ہے .
چکنی خشکی یا چکنی ڈینڈرف
چکنی خشکی بالوں پر پتلی پتلی یا چکنائی والے چھلکوں کی شکل میں نمودار ہوتی ہے . اسے خشکی کی ایڈوانس قسم کہا جاتا ہے اور صرف چکنے بالوں میں ہی ہوتی ہے . جلد كے مردہ خلئیے چکناہٹ كے باعث ایک دوسرے كے قریب ہو کر بالوں کی جڑوں كے ساتھ چپک جاتے ہیں . چکنائی كے غدودوں سے بننے والی چکنائی ان چھلکوں میں جذب ہو جاتی ہےاور بال خشک اور بے جان سے نظر آتے ہیں .
خشکی ختم کرنے كے گھریلو ٹوٹکے
ہفتے میں کم اَز کم اک بار انڈے کو خوب پھینٹ کر بالوں میں لگائیں . اِس کو نیم گرم پانی میں دھو لیں . آپ کو شیمپو یا صابن سے دھونے کی ضرورت نہیں کیوں کے انڈا میل کوچھیل اور خشکی کو نکال دیتا ہے .
اپنا سر دھونے سے پہلے بالوں کو اچھی طرح کنگی کریں تا كہ خشکی كے زرات الگ ہو جائیں .
ایک نہایت آسَان سا نسخہ ہے آپ دہی میں تھوڑا سا میٹھا ڈال کر سر پر خوب ملیں پِھر آدھے گھنٹے بعد نہا لیں . خشکی دور کرنے كے لیے بہت مفید نسخہ ہے .
لیمن کا عرق 2 چمچ ، کالی مرچ 1 چمچ . لیمن كے عرق میں کالی مرچ شامل کر كے بالوں کی جڑوں میں رات کو لگائیں . صبح اٹھ کرہربل شیمپو کر لیں . خشکی سکری سے نجات مل جائے گی .
خشکی دور کرنے كے لیے لیمن بہترین چیز ہے .
دہی میں سرسوں کا تیل ملا کر لگانے سے بھی مسئلہ حَل ہو جائے گا .
میتھی كے بیج رات بھر بھگو کر صبح پیس لیں اور نیم كے پتوں کو ابال کر اِس پانی میں یہ بیج کا پیسٹ مکس کر لیں اور لگائیں .
خشکی سے نجات كے لیے 2 عدد چقندر لے کر اِس کا جوس نکال لیں . اسی مقدار کا آدھے لیمن کا رس اِس میں ملا لیں . اک چمچہ اِس میں کیستیر آئل میلائیں . دو ہفتے تک ہر تیسرے روز اِس کا مساج کریں .
گندھک پانی میں ملا کر بالوں میں لگائی جائے تو بالوں میں سکری ہمیشہ كے لیے ختم ہو جاتی ہے .